कथं संस्कृतभाषायां जागृता सुरुचिर्मम

ब्रह्मानन्दे भवाँल्लुब्धो वर्तते तर्हि श्रूयताम् । भाषामृतमिदं पीत्वा ब्रह्मानन्दमवाप्नुयात् ॥

कथं संस्कृतभाषायां जागृता सुरुचिर्मम

                                                                                                           -विमलदर्शनकोइराला

 विज्ञानमेव सर्वस्वमन्यथा गतिरस्ति का ।

तेनैव विश्वकल्याणमात्मकल्याणमेव च ॥१॥

पाश्चात्यसंस्कृतिः रम्या पौरस्त्यसंस्कृतिर्न हि

सङ्कीर्णमनसा ह्येवं मतमासीत्पुरा दृढम् ॥२॥

केन मे पिहितं चक्षुर्न स्मरामि तथा परम् ।

श्रावयामि कथं वाञ्छा संस्कृतं प्रति जागृता ॥३॥

किं जातं सूक्तयो दृष्टाश्चाणक्यानां मिताः पुरा ।

श्लोकास्ते पठिता यावदुत्सुकोऽभूवमेव हि ॥४॥

भृशं केन घनत्वेनाऽर्थाणां श्लोकाः कथं कृताः ।

एवमुत्सुकतायां त्वन्वेषणं कर्तुमद्यतः ॥५॥

यावन्माघस्य दृष्टं तच्छब्दक्रीडामृतं मया ।

चकतोऽभूवमेवाऽहं निर्मातुं शक्यते कथम् ॥६॥

केषाञ्चिद्विदुषां वाचि काठिन्यं वर्तते तथा ।

दुर्बोधो भवति श्वासो निःश्वासो जायते मम ॥७॥

पञ्चतन्त्रं कथं वृत्तं बोधनं सरलं भवेत् ।

विष्णुशर्मा न वा विद्वान् विज्ञानं वचसोऽपि वा ॥८॥

अन्वेषणेन केनापि सूत्रं प्राप्तं महन्मया ।

सूत्रमेतन्महत्किन्तु श्रवणे सरलं भवेत् ॥९॥

संस्कृतस्याऽस्ति काठिन्यं हस्तयोर्विदुषां परम् ।

यदा यदुपयुक्तं स्यात्तत्तदैव प्रयुज्यते ॥१०॥

शब्दशास्त्रं यदा दृष्टं मया तद्गणितं स्मृतम् ।

अर्थास्ते गणितीयाः स्युः पदानां संस्कृते ननु ॥११॥

वर्णेषु शृङ्खला वा स्युः सूक्ष्मभेदाः परिष्कृताः ।

माधुर्यं वा भवेच्छन्दो योगो वर्णेषु वा भवेत् ॥१२॥

सर्वदा श्रवणानन्दो याति शक्तिरयं कथा ।

शोधस्य प्रेरणादात्री भाषेयञ्च परिष्कृता ॥१३॥

विज्ञानसम्मतं सर्वं वाञ्छामि स्म पुरा परम् ।

भाषासु संस्कृतं सिद्धमिदानीं कथ्यते मया ॥१४॥

ब्रह्मानन्दे भवाँल्लुब्धो वर्तते तर्हि श्रूयताम् ।

भाषामृतमिदं पीत्वा ब्रह्मानन्दमवाप्नुयात् ॥ १५॥

 विज्ञानच्छात्रः सुषमागोदावरीमहाविद्यालयः इटहरी, सुनसरी ।

भवतः का प्रतिक्रिया ?

like
12
dislike
0
love
2
funny
0
angry
0
sad
0
wow
0
विज्ञापनक्षेत्रम्
विज्ञापनक्षेत्रम्